សម្តេចកិត្តិសង្គហបណ្ឌិត ម៉ែន សំអន ទទួលជួបពិភាក្សាការងារជាមួយ គណៈប្រតិភូយុវជនមជ្ឈិម សហព័ន្ធយុវជនកុម្មុយនីស្តវៀតណាម

  

ភ្នំពេញ: ថ្ងៃទី២៤ ខែឧសភា ឆ្នាំ២០២៣ សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានគណៈចលនាមហាជន នៃគណៈកម្មាធិការកណ្តាលគណបក្សប្រជាជនកម្ពុជា បានទទួលជួបពិភាក្សាការងារជាមួយ គណៈប្រតិភូយុវជនមជ្ឈិម សហព័ន្ធយុវជនកុម្មុយនីស្ត វៀតណាម ដែលដឹកនាំដោយ ឯកឧត្តម ប៊ុយ ក្វាងហ៊ុយ (Bui Quang Huy) សមាជិកបម្រុង នៃគណៈកម្មាធិការមជ្ឈិមបក្សកុម្មុយនីស្តវៀតណាម លេខាធិការទី១នៃយុវជនមជ្ឈិម សហព័ន្ធយុវជនកុម្មុយនីស្តវៀតណាម និងជាប្រធានគណៈកម្មាធិការជាតិ ស្តីពីយុវជន វៀតណាម ចូលជួបសម្តែងការ គួរសម និងពិភាក្សាការងារ នៅវិមាន៧មករា នាព្រឹកថ្ងៃពុធ ៥កើត ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៤ ខែឧសភា ឆ្នាំ២០២៣ ដើម្បីរឹតចំណងមិត្តភាព នៃប្រទេសទាំងពីរ ឱ្យកាន់តែល្អប្រសើរ។

ក្នុងឱកាសជំនួបនោះ ឯកឧត្តម ប៊ុយ ក្វាងហ៊ុយ (Bui Quang Huy) បានថ្លែងនូវការ អបអរសាទរ និងកោតសសើរចំពោះសម្តេចតេជោ ហ៊ុន សែន នាយករដ្ឋមន្រ្តីនៃ ព្រះរាជា ណាចក្រកម្ពុជា និងជាប្រធានគណបក្សប្រជាជនកម្ពុជា ដែលបានដឹកនាំប្រទេសឱ្យ ទទួលបានសុខសន្តិភាព ស្ថិរភាពនយោបាយ និងការអភិវឌ្ឍលើគ្រប់វិស័យ, ការគ្រប់គ្រង បានយ៉ាងល្អនូវជំងឺកូវីដ-១៩ ដែលធានាបាននូវសុខុមាលភាពប្រជាជន, ការដឹកនាំ ដោយជោគជ័យនូវកិច្ចប្រជុំកំពូលអាស៊ាន, កិច្ចប្រជុំអាយប៉ា ជាពិសេស ការរៀបចំ ព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះបានយ៉ាងល្អ និងឆ្ពោះទៅរៀប ចំការប្រកួតកីឡាអាស៊ាមប៉ារ៉ាហ្គេម នាពេលឆាប់ៗនេះ។

ឯកឧត្តម បានបង្ហាញនូវការបន្តរឹតចំណងមិត្តភាព សាមគ្គីភាព និង កិច្ច សហប្រតិបត្តិការរវាងយុវជននៃប្រទេសទាំងពីរ ឱ្យកាន់តែមានភាពជិតស្និទ្ធបន្ថែមទៀត ដើម្បីរឹតចំណងមិត្តភាពនៃប្រទេសទាំងពីរ។

នៅក្នុងជំនួបនោះ សម្ដេចកិត្តិសង្គហបណ្ឌិត បានថ្លែងនូវការអបអរសាទរ និងស្វាគមន៍ ដំណើរទស្សនកិច្ចរបស់គណៈប្រតិភូក្នុងការប្រារព្ធខួបទី ៥៦ឆ្នាំ នៃថ្ងៃបង្កើតទំនាក់ទំនង ការទូតរវាងប្រទេសទាំងពីរ។ សម្តេចកិត្តិសង្គបណ្ឌិត ក៏បានថ្លែងនូវការកោតសសើរ ដល់យុវជនទាំងពីរប្រទេស និងបានផ្តាំផ្ញើឱ្យយុវជនជំនាន់ក្រោយ ត្រូវរៀនសូត្រពី យុវជនជំនាន់មុន តាមរយៈនៃការផ្លាស់ប្តូរបទពិសោធន៍ គ្នាទៅវិញទៅមក ជាពិសេស ក្នុងការចាប់យកនូវចំណុចល្អ ដើម្បីរួមចំណែកក្នុងការកសាង និងអភិវឌ្ឍន៍ប្រទេស ក្រោម ដំបូលនៃសុខសន្តិភាព។ សម្ដេចកិត្តិសង្គហបណ្ឌិត សង្ឃឹមថា ទស្សនកិច្ចនេះ នឹងជួយ ពង្រឹងថែមទៀតទំនាក់ទំនងល្អប្រសើររវាងប្រទេសទាំងពីរ បក្សទាំងពីរ និងយុវជនទាំងពីរ កាន់តែរឹងមាំ និងស្ថិតស្ថេរជាអមតៈ។

កិច្ចពិភាក្សានេះ បានផ្តោតលើបទពិសោធន៍របស់ស្ថាប័នយុវជននៃប្រទេសទាំង២ ក្នុងការចូលរួមជាមួយនឹងរដ្ឋាភិបាល និងរាជរដ្ឋាភិបាល ជាពិសេស លើការប្រយុទ្ធប្រឆាំង ដោយជោគជ័យនៃការឆ្លងរីករាលដាលនៃជំងឺកូវីដ-១៩ នាពេលកន្លងមក។ ក្រៅពីការផ្លាស់ ប្តូរបទពិសោធន៍ការងារ គណៈប្រតិភូនៃប្រទេសទាំង២ បានប្តេជ្ញាបន្តលើកកម្ពស់កិច្ចសហការ បន្ថែមទៀត ជាពិសេស ក្នុងក្របខ័ណ្ឌនៃការអភិវឌ្ឍយុវជន៕ ដោយ សួស សំរិត