ឯកឧត្តម ថាំង ប៊ុនសុង និងក្រុមការងារ អញ្ជើញចូលរួមពិធីបញ្ចុះបឋមសិលាសាងសង់មណ្ឌលសុខភាពឃុំ

 

ឯកឧត្តម ថាំង ប៊ុនសុង និងក្រុមការងារ អញ្ជើញចូលរួមពិធីបញ្ចុះបឋមសិលាសាងសង់មណ្ឌលសុខភាពឃុំជើងគួន ស្រុកសំរោង និងប្រគល់រថយន្តសង្គ្រោះបន្ទាន់ជូន មណ្ឌលសុខភាពខ្វាវ ក្រោមអធិបតីភាព លោកជំទាវ សុខ កែវ ច័ន្ទសារុន ឯកឧត្តម តាំង ជុងលី រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និង លោក ញ៉ែម ស្រស់ អភិបាលរងខេត្តតាកែវ។

ពិធីនេះមានការអញ្ជើញចូលរួមពី ឯកឧត្តម លោក លោកស្រី ក្រុមការងារចុះជួយឃុំជើងគួន លោកប្រាក់ មុនី ប្រធានក្រុមប្រឹក្សា លោក កៅ វគ្គសែល អភិបាលស្រុកសំរោង និងមន្ត្រីរាជការក្រោមឱវាទស្រុក ឃុំ ភូមិ ព្រះសង្ឃ លោកគ្រូ អ្នកគ្រូ សិស្សានុសិស្ស និង ប្រជាពលរដ្ឋប្រមាណ៥០០នាក់ នាព្រឹកថ្ងៃទី៩ ខែតុលា ឆ្នាំ២០២៦ ស្ថិតក្នុងភូមិថ្កូវ ឃុំជើងគួន ស្រុកសំរោង ខេត្តតាកែវ។

សូមជម្រាបថា មណ្ឌលសុខភាពឃុំជើងគួននេះ ជាអំណោយដ៏ថ្លៃថ្លារបស់ លោកជំទាវ អគ្គមហាឧបាសិកាពុទ្ធសាសនូបត្ថម្ភក៍ សុខ កែវ ច័ន្ទសារុន និងក្រុមគ្រួសារ៕